Ajoraluartumik kalaallit nunaanni kinguaassiutitigut kannguttaatsuliorneq atugaasorujussuuvoq. Sapaatip akunneri tamaasa kinguaassiutitigut kannguttaatsuliorfigineqarsimasunik ikiuisarpugut. Uanilu oqaluttuartoq Pipaluk ilagaat.

Pipaluk oqaluttuaa:

"Arnaavunga 26-inik ukiulik. kinguaasiutitigut kannguttaatsuliorfigitinnikuuvunga. Taamaatumik qamuuna salitassarujussuullunga aammalu Angst Depression nappaatigilersimallugu.Ullormi nakkarnerpaafinni imminut mattusimaneq nikagineq aliasunneq qianeq nukissaaleqineq inuillu akornaniisinnaanginneq misigisarsimaqaara. Oqaloqateqarnikuugaluaqaanga iluaqutiginngitsuukkannik.

Maanna Tankefeltterapi-meereernerma kingorna inuuneq allanngorsimaqaaq paasigakkumi sunarpiaq pissutaasoq anniarisimasara. Paasillugu iluaqaaq inuunermilu suliassarilersimavara, tankefeltterapiimiisimanngitsuuguma inuunera suli ajorluinnartumik inissisimasimassagaluarpoq.

Aqqutissiorneqarpunga. Maanna killiffiga allaammi angst Depression suli misigeqqinngilara. Naak ataasiaanaq misilissimagaluarlugu. Anniaat paasineratigut oqilissutigerujussuarsimavara. Qujarusuppunga periarfissaqalersimammat Tankefeltterapi."

Kinguaassiutitigut kannguttaatsuliorfigineqarsimasut qanoq ikiortarpagut?

Piffimmut utertittarpagut ikiortissaaleqinerpaaffimmut, piffissami pisumi misigissutsit annernaraluaqisut. Aqqutissiuttarpagullu imminut ikiornissamut, soorlu piffissami tassani atorfissaqartitsinerpaaffimmi imminut ikioriartorluni.

Periuuseq taanna taasarparput "aqqutissiutsilluni imminut ikioriartorneq".

Aqqutissiutsilluni imminut ikiornerup kingornaImminut ikioriartornermi aamma allanik ikiortissanik aallertoqarsinnaasarpoq nammineq toqqakkanik. Taakku toqqakkat kikkuusinnaappulluunniit, soorlu ullumikkut inuusut imaluunniit qimagunnikuugaluartut, soorlu aanaa aataa allallu. Taakkulu ikiortit toqqarsimasat eqqarsaatiminni assiliseqatigisarpaat nammineq ilusilersukkaminnik nuannarisaminnik. Taannalu asseq puujukkiullugu nukissanik aallerfigineqartuarsinnaasarpoq, eqqaallugulu pilluarnerujussuarmik tunisisussamik.

Ilaasa nuannarisangaaramikku qalipaganngorlugu sanatikkusussinnaasarpaat qaqugumulluunniit takusinnaarusullugu.