Stressip sunniutai

Stressimik eqqugaagaanni timikkut, tarnikkut ileqqukkullu qisuariaatit sunniutai ersersinnaasarput, inummiillu inummut assigiinneq ajorlutik.

Timikkut sunniutit

  • Timikkut iluaalliorneq / anniarneq
  • Niaqorluttarneq
  • Qamuuna eqqissiviinneq

Tarnikkut sunniutit

  • Eqqarsarluarsinnaannginneq (Koncentrationsbesvær)
  • Puujutuneq
  • Qasoqqaneq
  • Piumassuseerunneq

Saniatigut sunniutit ersissinnaasartut

  • Kamaqqajaaneq
  • Uumisunneq
  • Sorusussuseerunneq
  • Isummap allanngorarujussuarnera

Sivisuumik stress pigisimagaanni sunnerneqartartut

  • Sinik / Sinnarlunneq
  • Eqqarsaasersorujussuarneq
  • Annilaangassuteqarneq

Stress suua?

Stress - Uippakajaarneq

Stress takkussinnaavoq misigissutsinik artornartunik nammataqarnermi imaluunniit amerlavallaanik akisussaaffeqarluni ulapputeqarnermi.

Imminut iluliarsuarmut assersuutigigutta, angisooq sikorsuaq misigissusilik.

Iluliarsuup 10%-ia ersippoq immap qaavani, taannaavorlu ullumikkut stress ersiutai takusinnaasagut malugisinnaasagullu, immallu ataaniillutik nammatagut annersaat misigissutsit naqisimaneqartut: artorsaatit, ulapputissat, eqqarsaatit allallu.

Imaappoq nammatagut annersaat takusinnaanagillu malugisinnaanngilagut, taakkuusarlutillu stressinngorlutik puttussuuttartut.

Stressertut qanoq ikiorneqartarpat?

Stress terapertilluni qaangerneqarsinnaavoq, tunngaviusut akueriuminaatsut ataasiakkaarlugit piiarnerisigut.

Pingaaruteqarpoq imminut tusarnaarsinnaanissaq, timip atorfissaqartitai malillugit, taamaasilluni timi siumut ajunnginnerusumut ingerlalertarmat.

Siunnersuutigaarput

Misigissutsit eqqarsaatillu inittortinnginnissaat, misigissutsillu inuunitsinnut aqutsinnginnissaat.

Terapertinnermi naliginnaavoq misigissutsikkut iperaanerit amerliartorneranni eqqarsaatit aqukkuminarsiartortut oqiliartorlutillu.

Scroll til toppen