Lisa Traumeterapeut

Lisa A. Schmidt

TFT & Traumeterapeut

Nuuk

Lisa A. Schmidt

2002-mili imminut ikiorniarlunga inuttut ineriartornermut tunngasunik atuartalerpunga, sakkussannik uannut tulluartunik iluaqutigisinnaasannik ujartuisarlunga.

Siullermik 2012-mi tankefeltterapi takoqqaarpara, tupigusunnermillu aaliangerlunga danmarkimut tankefeltterapimik ikiortikkiarniarlunga. Misissuininnilu paasivara tankefeltterapeutitut pikkorissartoqarsinnaasoq, kiisamilu sakkussamik iluaqutigilluarsinnaasannik nassaartutut misigigama pikkorissarnertaa aamma tigunialerlugu.

Imminuinnaq eqqarsaatigalunga tankefeltterapimik pikkorissariaataa ikiortikkiarpunga, tassanilu pisumi misigisakka takusakkalu tupinnangaarmata aaliangerlunga ilinnialerniarlugu.

Ikiorteqqaarama aasiaat 15 min. ingerlanerani ersigiunnaarpakka, aali inuuninni ersiginersaanikuullugit. Allaammi isumaqarnikuuvunga ersigiunnaarsinnaanagit.

Danmarkimiit angerlarama sungiusarneq atuarnerlu suliffima saniatigut aallutilerpakka. Ilinniarninni inuppassuit ilinniarfigaakka, tupinnartorpassuarnillu misigisaqarlunga.

Ilinniarninni ikiornikuusakka ullumikkumut suli saaffiginnittarput, qujamasullutik ingerlariaqqinnissaannut aqqutissiussimagakkit.

Inuusuttuaraallungali kigutileriffimmi atorfeqarnikuullunga 2018-mi soraarniuteqarpunga, kinguninngualu piffissamik tamakkiisumik tankefeltterapeutitut sulilerlunga.

2019 aallartiinnartoq ilinnialeqqippunga, timitta oqariartuutai itinerusumik paaserusullugit.


Ilinniagara tassaavoq siuaatsinninngaanniit nalaataqarnerit kingornussimasagut qanoq iperarneqarsinnaaneranik ilinniarneq.

Louisa Tankefeltterapeut

Louisa Schmidt

TFT & META

Nuuk

Louisa Schmidt

2009-mi kalaallit nunaanniit danmarkimut nuuppunga siunissara ujartorniarlugu.

Ukiut qulissaa inuttut ineriartornermut tunngasunik soqutigisaqareerlunga Tankefeltterapi (TFT/EFT) 2015-mi tusarpara. Siullermik upperinngikkaluarpara taamak sukkatigisumik ikiuisoqarsinnaasoq.

Nammineq isinnik ikiortittumik takoqqaarama isigaara misigissutsikkut assut anniarpasilluni qiasoq.

Ingerlaarnerani oqiliartorpasinnera malinnaaffigaara, naammassilernerani takusinnaavara qanoq timaa qasukkartiginersoq, allaammi illarasaartuinnanngorluni.

Naammassigamik timini maluginiarpaa iperaanini tupigusuutigalugu, tassanilu uppernarsivara taamak tupinnartigisumik sukkatigisumillu ikiuisoqarsinnaasoq. Isigisara tupinnangaartoq takoreerlugu aaliangerpunga tankefeltterapeutinngorusullunga.

Piffissap sivikitsup ingerlanerani danmarkimi suliffima saniatigut tankefeltterapeutitut ilinnialerpunga, takorloorsinnaanngoqqillugulu kalaallit nunaannut uternissara.

Ukiut arfineq pingasut danmarkimi najugaqareerlunga eqqarsaatigiinnalerpara kalaallit nunaannut uterniarlunga, tankefeltterapeutitullu sulilerusullunga.

Decemberimi 2017-mi kalaallit nunaannut uterpunga, 2018-milu anaanaga aqqalugalu ikioqatigalugit Tankefeltterapi Grønland pilersillugu.

Ilinniakkat

Ullumikkumut pikkorissarfigalugillu ilinniagaraagut:

  • Tankefeltterapi / Emotionel Frihedsteknik (TFT/EFT)
  • HM Matrix
  • Kernehealing
  • Den psykoterapeutiske samtaleterapi
  • Meridianlære / Kinesiologi
  • Det terapeutiskerum & Klient kontakt
  • Positiv psykologi vejleder
  • METAsundhed
  • Transbiologisk Traumeterapi (TBT)

Ilinniakkagut siammasissorujussuupput,

taamaattumik siammasissumik sunniuteqarluartumillu ikiuisinnaalluta.

Ilinniarfik

www.mygind.dk

Scroll til toppen