Angst sunniutai
Angstimik eqqugaagaanni timikkut, tarnikkut ileqqukkullu qisuariaatit sunniutai ersersinnaasarput, inummiillu inummut assigiinneq ajorlutik.
Angstit assigiinngitsut
Angst pigerujoornera
Annilaangarujoorneq nalullugu suna peqqutaanersoq.
Inuppassuit angst sivisuumik pigisimallugu nalusarpaat.
Annilaanganeq naliginnaasutut taamaaginnartussatullu isigalugu, isumaqartarlutik allat aamma taamatut misigisartut.
Sunniutit / Ersiutit
- Eqqissiviilliorneq
- Pissanganeq
- Aarlerineq
- Annilaanganeq
- Imminut naammaginnginneq
- Imminut tatiginnginneq
- Inuiaqatinut annilaanganeq
- Allanik eqqarsartitsineq
- Naliligaanissamut annilaanganeq
- Imminut pisuutinneq
- Kanngusunneq
- Kiserliorneq
Panikangst
Tassanngaannartumik annilaangalerneq, soorlu sila ajunngeriarluni anorersualeriataartoq.
Tassanngaannartumik annilaangalernermi timeq aqussinnaajunnaarneqarsinnaasarpoq, nalullugulu sooq timeq taamak qisuariaateqartoq.
Eqqarsaatit ajornerpaaffissamiitilereerlugit, uummalliortutut misigisimalerneq – allaat napparsimaviliarnermik kinguneqarsinnaalluni.
Sunniutit / Ersiutit
- Uummammik kassuttoorneq
- Kiakkerneq
- Timikkut eqqissiviinneq/iluaalliorneq
- Meriannguneq
- Silap kaavilernera
- Ipilersutut misigineq
Panikangst takkunneranut peqqutaasinnaasut
- Eqqarsaatersorpallaarneq
- Uippakajaarneq
- Timeq nalaannikuusamut assingusumut eqqaasinneqaraangat
Social angst
Social angst – Inuit akornaniinnissamut annilaanganeq
Ataatsimoortuniinnissamut iluaalliuuteqarneq soorlu katerisimaartoqartillugu:
- ilaqutariinni
- ikinngutigiinni
- suliffimmi allanilu
Sunniutit / Ersiutit
- Naleqanngittutut misigineq
- Allanik eqqarsartitsineq
- Angsteqarluni malugineqarnissamut eqqarsarneq
- Ittoorneq
- Kanngusunneq
- Akueriuminaatsitaqarneq
Angst suua?
Angst - Annilaanganeq, timikkut tarnikkullu qisuariaateqarnikkut ersiuteqartarpoq.
Angsteqarnermi ersiutaasut ukuusinnaapput:
- Timikkut iluaalliorneq/eqqissiviinneq
- Eqqarsaatikkut annilaanganeq
- Pisussamut siumoortumik annilaanganeq
Angstertut qanoq ikiorneqartarpat?
Angst terapertilluni qaangerneqarsinnaavoq, tunngaviusut akueriuminaatsut ataasiakkaarlugit piiarnerisigut.
Iperagassat ukuusinnaapput:
- Nalaataqarnerlussimaneq
- Akueriuminaatsitaqarneq
- Tuparujussuarsimaneq
- Siumoortumik ernumasarneq
Pingaaruteqarpoq imminut tusarnaarsinnaanissaq, timip atorfissaqartitai malillugit, taamaasilluni timi siumut ajunnginnerusumut ingerlalertarmat.
Siunnersuutigaarput
Misigissutsit eqqarsaatillu inittortinnginnissaat, misigissutsillu inuunitsinnut aqutsinnginnissaat.
Terapertinnermi naliginnaavoq misigissutsikkut iperaanerit amerliartorneranni eqqarsaatit aqukkuminarsiartortut oqiliartorlutillu.