Depression sunniutai
Depressionimik eqqugaagaanni timikkut, tarnikkut ileqqukkullu qisuariaatit sunniutai ersersinnaasarput, inummiillu inummut assigiinneq ajorlutik.
Sunniutaasartut ukuupput
- Sinnarlunneq
- Eqqissiviinneq
- Mattusimaneq
- Nukissaaleqineq
- Imminut pisuutinneq
- Nererusussuseerunneq
- Imaqanngittutut misigineq
- Inuunissamut kajumisukkunnaarneq
Depression suua?
Depression – Qasoqqarujussuarneq, nikallunganeq, nakkaqqaneq.
Depression pigilerneqartarpoq misigissutsit nuanniittut sakkortuullu naqissuseqqasimaneranit. Soorlu nalaataqarnerlunnerup akueriuminaatsitaqarnerullu kingorna.
Depression tigussaanngittuuvoq, pigalugulu oqaasinngornissaa inornarsinnaalluni.Oqaasinnguisinnaannginnermut peqqutaanerpaasarput misigissutsit sorpiaanersut inissikkuminaattarmata, soorlu:
- Nassuiaakkuminaannera
- Eqqarsaatit tukattut
- Eqqarsaatit nuanniittut
Depressionertut qanoq ikiorneqartarpat?
Depression terapertilluni qaangerneqarsinnaavoq, tunngaviusut akueriuminaatsut ataasiakkaarlugit piiarnerisigut.
Inummiit inummut iperagassat assigiinngittuusarput, nalaassimasat aqqusaarsimasallu apeqqutaallutik.
Iperagassat ukuusinnaapput:
- Kamassaqartarneq
- Kanngusuuteqarneq
- Naveersittarsimaneq
- Qinngasaartittarsimaneq
- Nalaataqarnerlussimaneq
- Inornartunik piumaffigitittarsimaneq
- Kannguttaatsuliorfigineqarsimaneq
- Akueriuminaatsumik misigisaqarsimaneq
Pingaaruteqarpoq imminut tusarnaarsinnaanissaq, timip atorfissaqartitai malillugit, taamaasilluni timi siumut ajunnginnerusumut ingerlalertarmat.
Siunnersuutigaarput
Misigissutsit eqqarsaatillu inittortinnginnissaat, misigissutsillu inuunitsinnut aqutsinnginnissaat.
Terapertinnermi naliginnaavoq misigissutsikkut iperaanerit amerliartorneranni eqqarsaatit aqukkuminarsiartortut oqiliartorlutillu.